28 Декабря 2015, 13:09

Мэр Кіева добра ацаніў бабруйскія трактары

Тры дзясяткі трактароў «Беларус» папоўнілі парк камунальнай гаспадаркі Кіева. Пра гэта паведамляецца на сайце гарадзкой дзяржаўнай адміністрацыі.

Новую тэхніку для прыборкі ходнікаў і двароў агледзеў асабіста мэр украінскай сталіцы Віталь Клічко: «Сучасная аўтаматызаваная тэхніка істотна палегчыць працу дворнікаў і дапаможа, калі выпадзе снег, больш эфэктыўна працаваць, каб ачысціць двары і тратуары», — адзначыў кіеўскі галава.

Віталь Клічко асабіста праехаў на адным з трактароў і адзначыў, што кожны камунальны супрацоўнік, якому даручаць працаваць на новай тэхніцы, будзе адчуваць сябе камфортна. Пасля гэтага мэр перадаў ключы прадстаўнікам кампаній у раёнах: «Магу сказаць, што тэхніка якасная. Гэтыя трактары пойдуць у раёны, у ЖЭКі, каб прыбіраліся не толькі цэнтральныя магістралі, а таксама двары ў кожным раёне», — падкрэсьліў Віталь Клічко.

Набыцьцё трактароў — першае за многія гады абнаўленьне парку тэхнікі для камунальнай службы Кіева. Для закупкі тэхнікі былі праведзены адкрытыя конкурсныя таргі, у якіх спаборнічалі вытворцы тэхнікі як украінскага, так і замежнай вытворчасьці. Найбольш эканамічна выгадным аказалася прапанова таварыства «Прамагралізінг-Україна», якое зьяўляецца афіцыйным прадстаўніком Менскага трактарнага заводу ва Ўкраіне.

Крыніца: Радыё Свабода

Комментарии читателей:

Новость дня:

Бобруйск как центр российских коллаборантов

Как под Бобруйском учили убивать. История СС «Данмарк» в Беларуси.

Актуальное интервью:

Алесь Сьнег: «Быць нефармалам у Бабруйску небяспечна»

Мы працягваем знаёміць вас з лёсамі і гісторыямі тых, хто кожны дзень стварае «Арт Сядзібу». Наш наступны герой – Алесь Сьнег.

Выбор редакции:

Перестарались

В полдень 26 марта в Бобруйске сотрудники силовых структур задержали 34 человекa.